ყველა ადამიანს სურს ბედნიერება, თუმცა ცოტამ თუ იცის როგორ იპოვოს ის. ყველაზე დიდი პრობლემა იმაშია, რომ ადამიანმა არ იცის რეალურად ვინ არის ის, ამის გამო კი არ იცის რა არის მისი ბუნება. რადგან არ იცის რა არის მისი ბუნება, ის არასწორ ადგილას და არასწორი ქმედებებით ეძებს ბედნიერებას, თუმცა ამაოდ. მე თუ მგონია, რომ ვარ თევზი, მაშინ ვეცდები წყალში ცხოვრებით ვიპოვო ბედნიერება, თუმცა ეს მცდელობები ნებისმიერ შემთხვევაში წარუმატებელი იქნება, რადგან ადამიანს წყალში სუნთქვა არ შეუძლია. ზუსტად იგივე მდგომარეობაში ვართ ახლა, რადგან არ ვიცით ვინ ვართ და რა არის ჩვენი ბუნება.